張家輝送別陳木勝痛心落淚

張家輝與林超賢一起到場，想起與亡友點滴，家輝黯然神傷。

眾來賓於儀式後陸續離開，張家輝受訪時指與陳木勝結緣於亞視年代：「佢畀我感覺好健康、乾淨、有禮貌。導演喺港產片上拍咗咁多好嘅作品，佢年輕離開令我特別難過，好似一個老嘅香港品牌突然唔做或者移民咁……大家都有感情，係冇得取替。」問到有否對近年未有機會合作感遺憾？家輝即眼紅紅、手震及哽咽，停頓片刻熱淚盈眶說：「係……大家懷念陳木勝最好嘅方法就係睇佢嘅遺作《怒火》。」郭富城則直言陳木勝是其電影事業上的伯樂：「好難過同傷心，好唔捨得，導演生前想合作拍音樂劇電影，不過未落實。」洪金寶對陳木勝離世亦感心痛：「完全唔知佢有病，之前短訊約佢飲茶，但佢10日後就過身。」

• 郭富城曾與陳木勝傾過合作計劃，無奈已無法實現。