身在香港的蔡卓妍（阿Sa）得知好姊妹鍾欣潼（阿嬌）發生意外後，坦言嚇餐死：「今朝一起身睇訊息，睇到佢傳畀我嗰啲相，真係嚇死！即刻聯絡啲醫生，希望可以幫到手！祖兒同Mani有同我keep住update佢嘅狀況。」之後她跟阿嬌進行視像通話，見對方情況穩定，才稍為放心：「佢好tough，一直叫我哋唔好擔心，佢依家需要休息，希望佢快啲好番。」
至於關智斌亦被阿嬌嚇親：「聽到呢個消息好突然，真係嚇一嚇，亦都好擔心，但知道佢做晒檢查後情況穩定，都安落啲。佢依家最重要係好好休息，希望佢早日康復。」