撞車不顧而去 何雁詩網上「緝兇」
歌手何雁詩日前為父親在網上「緝兇」！事緣何爸爸8月底揸車返工，駛經太子道東時被一輛出租貨Van撞爛車尾，他即時報警，本打算將車停泊在路邊與肇事司機理論，豈料對方竟開車絕塵而去，不幸的是其車Cam剛巧壞了，未有拍下被撞情況及肇事車輛車牌。
何雁詩在網上呼籲途經的駕駛者幫忙，期望追查到肇事司機。問到父親可有受傷？她說：「爸爸冇事，不過架車就傷啲。（要整幾多錢？）未知，要等驗車報告出咗先，因為佢唔識喺網上求助，咁我咪幫手出Post。真係天網恢恢，已經有人喺網上搵我，話佢個朋友可能拍到片，希望搵到嗰條片啦！」