全民檢測計劃前日正式開始，無綫已向全台職藝員發出內部電郵，鼓勵員工為自己及家人健康着想，參與計劃。前日曹永廉一家率先做檢測，他受訪時表示：「今日一家五口，我、老婆、仔女同工人姐姐一齊去做檢測，過程OK喎！喉嚨完全冇嘢，個鼻係有少少唔舒服，但可以接受嘅，做完心安理得，知道依家冇事會安心啲。我哋做演員，開工係戴唔到口罩，自己中咗又唔知，傳咗畀人就唔好，所以我非常贊成做檢測，成個過程只係兩、三分鐘。」
