吳若希犯禁搬屋：被姓何嘅「迫遷」
懷有第二胎的歌手吳若希現正在家安胎，日前卻有消息指她月租逾千呎的豪宅正被業主以2,090萬元放售！她受訪時承認大住肚搬屋，自爆是「被姓何嘅迫遷」，為腹中兒子着想而決定另覓住所。
歌手吳若希（Jinny）今年6月宣布懷有第二胎囝囝，成功湊個「好」字，現時挺着7個月巨肚，正待產閉關養胎，但早前仍在家中為愛女淼淼慶祝生日，結果令其豪宅曝光，更有指面積達2,000呎，非常豪華。不過，地產界近日有消息指，Jinny以月租43,800元租用元朗爾巒菲利提諾大道的複式單位，現時被業主以2,090萬元放售，據了解Jinny一家已遷出單位，上址現時交吉放盤。
揀市區樓 方便女兒返學
Jinny接受本報訪問承認已搬屋，更自爆其實遭「迫遷」，她笑說：「係被個姓何嘅迫遷。」其實她口中「姓何的」是指肚中的囝囝，因家中增添新成員，故希望有較大的居住環境：「前業主好好，我要搬走都勁唔捨得，但何生要降臨，屋企變得太逼唔夠住，何小姐（女兒）又喺市區返學，所以我哋要搬番出市區。（依家搬出市區貴咗，老公Alex要努力搵錢？）說出重點，但佢Hea底，我鞭策唔到佢！不過殺到埋身嗰陣，佢自己就會識郁。」提到有指舊居達2,000呎，她澄清：「其實只係1,200呎，而且我哋一家八口仲有養寵物，所以想有大啲嘅空間。」
另外，Jinny昨日在社交網分享與淼淼的對話錄音，其中女兒大讚林盛斌與胡鴻鈞等人靚仔，當她追問「你老竇呢？」時，淼淼竟嫌棄說話粗魯：「點解你講呢隻嘢呀？你唔好講呢隻嘢啦，好核突呀！」令Jinny即更正：「你爸爸！」十分搞笑。