林作抽死人水 網民鬧爆

43歲《黑豹》男星Chadwick Boseman日前因大腸癌併發症離世，現投身保險行業的麥明詩舊愛林作，在社交網轉發Chadwick的病逝消息，並留言：「45歲就大腸癌過身，疾病無從預測，一定要早啲Check，Check之前，記得搵林作保險。」隨即引起大批網民不滿，除指他寫錯對方的年紀，更指他「抽水」宣傳保險生意，對死者欠尊重，網民怒斥：「人哋幾多歲都講錯」、「喺度發死人財」、「用一個已去世的人為自己賺錢」。昨晚林作與女友裕美出席港姐決賽，未有為有關是非回應，匆匆入場。