畢彼特搭上德模 譜父女戀

美國男星畢彼特(Brad Pitt)終有新戀情!前日被拍到與27歲德國女模Nicole Poturalski於法國乘私人飛機去度假,Nicole更被指貌似他的前妻安祖蓮娜祖莉(Angelina Jolie)。

現年56歲的畢佬,自2016年被安祖蓮娜申請離婚後,雖然偶有傳出緋聞,但最後都被揭只是朋友關係。直至前日,畢佬由美國洛杉磯飛到法國戴高樂國際機場,被拍得與由德國柏林飛到當地的女模Nicole會合,再次爆出有新戀情!兩人被拍到戴着口罩、前後腳登上私人飛機,花約1小時飛到法國南部,估計是前往畢佬的法國莊園Chateau Miraval度假,據知情者透露:「佢哋係拍緊拖,一齊去緊度假。」

Nicole有個仔 成共同話題

據稱畢佬搭上Nicole後,表現有如熱戀中的少年少女:「佢哋一路喺度錫,畢佬非常照顧佢!佢哋身處半個公眾地方,但畢佬似乎唔介意畀人見到佢哋。個女仔好靚,明顯後生過佢好多。」Nicole今年2月曾於社交網上載於洛杉磯行街的照片,並留言:「好掛住同我愛人行街。」但未有透露其愛人是誰。

畢佬與前妻安祖蓮娜育有6名子女,而Nicole亦與舊愛育有1名兒子Emil,可能令兩人有更多做家長的共同話題。與安祖蓮娜樣貌相似的Nicole,身高5呎10吋、能操五種語言,13歲時立志成為海洋生物學家,但被星探發掘後成為模特兒,「行天橋」外亦登上時裝雜誌封面,成為時裝設計師「西太后」Vivienne Westwood的寵兒。其後,Nicole成立保育鯊魚的基金,未忘對海洋的熱誠。