黎瑞恩滅「蛇」:有兩撻黑色嘢!

歌手黎瑞恩(小恩子)早前因「生蛇」生到上眼而險毀容,前晚病愈後首出關,與好友馬浚偉及何婉盈於網上開Live唱足兩個半小時。戴上眼鏡遮「蛇痕」的小恩子先交代病情:「好番七七八八,但要多啲休息,依家呢度(生蛇位)有兩撻黑色嘢(疤痕)。」她原本和馬浚偉於9月公演舞台喜劇《男人40 CEO》,無奈受疫情影響而延期至明年6月,兩人笑言開Live當做「預演」,期間馬浚偉送上生日蛋糕表示要慶祝小恩子康復,還叮囑她要多休息、戒夜瞓,但小恩子就話要和粉絲慶生,還合唱生日歌送給昨日七十歲牛一的譚詠麟。

壓力大到發噩夢

小恩子又表示曾擔心因「生蛇」而不能參加舞台劇綵排會遭馬浚偉責怪,自爆壓力大而發噩夢:「你突然叫我預演,死啦!我未背晒劇本,但現場已經有200幾個觀眾,我乜都唔記得晒,又冇人睬我,我又行錯台,當畀人推出台時,驚到O嘴就嚇醒咗。」馬浚偉安慰她:「呢個係第一次做舞台劇演員嘅必經階段,我都試過係咁,證明你好在乎呢個劇。」在直播尾聲,小恩子似有感而發說:「最鍾意聽到大家祝福,唔好問候人屋企人。」馬浚偉和應說:「希望大家多啲企喺別人嘅角度諗,去感受別人。」