葉佩雯遇鉸剪怪客 鎖車門避過一劫
藝人葉佩雯（Grace）日前與老公郭偉亮駕車外出，期間老公落車買水時，留在車上的Grace竟遭手持鉸剪的陌生男子上前騷擾，敲車窗兩次，並將盒裝飲品放在側鏡上，令Grace嚇得花容失色，直喊：「做乜嘢呀你？」幸好她即鎖上車門才未有不幸事發生。
Grace在外一場虛驚，老公則在家中遇上「驚嚇事」。話說早前郭偉亮在執屋期間，除發現Grace愛私藏愛犬的「牙仔」外，更摷到大褸內藏一包薯條：「我哋睇戲時食剩半包，隨手塞咗入褸袋度，但返到屋企唔記得咗，件褸連薯條擺喺櫃度幾個月，最恐怖係啲薯條個樣係冇乜事。」