張文慈輕裝北上獲栢芝打救
張文慈（Pinky）疫境下學曉自強，儘管怕黑仍選擇單拖北上開工，並感激好友張栢芝「雪中送炭」。樂天的她鼓勵港人捱過難關，深信明天會更好。
疫情肆虐令不少藝人工作量驟降，部分人有感坐食山崩，不得不爭取工作，即使一來一回需隔離28天，仍蠢蠢欲動北上搵錢。Pinky上月就曾返內地商演，沒有在疫情下出埠經驗的她只帶備口罩及消毒用品，令好友張栢芝十分擔心，主動找自己的內地經理人公司，為Pinky網購3大箱用品寄往其下榻酒店，非常窩心。
感受人間有愛
Pinky接收到栢芝的心意，即時感動眼濕濕，連忙拍片多謝她，並大讚栢芝有義氣：「其他嘢唔多講嘞，但栢芝好細心，上至床單、食品，下至洗面盆、清潔用品，甚至直播嘅打燈用具各式各樣都有，佢嘅準備令我起居飲食，以及日常需要都唔使擔心。」而近日另一好友鄭明明亦主動致電Pinky問候，並送上紅包祝福，令她感受到人間有愛。
Pinky日內將再度北上，為節省開支繼續單拖不聘用助手，她說：「以前嘅我怕黑，從來未試過一個人離港工作，喺香港又有傭人姐姐照顧，所以疫情下我反而有所得着，起碼學識自己照顧自己，好似上次我獨自拖行李去截車過關，期間跌晒嘢落地好狼狽，自己收拾番囉，完全唔當係咩一回事嘞。」
未來無限可能
目前工作收入僅能幫補生活支出，仍要過着入不敷支「食老本」的日子，但Pinky仍樂天面對：「我絕對唔係最慘嘅一個，深信只要捱過呢一關，就會有無限可能，大家一齊加油啦。」談到手頭上的兩個物業，她說：「依家嘅經濟環境，於我嚟講有樓都等於負資產，我同屋企人係用嚟自住嘅，坦白講最緊要一家人齊齊整整，我就好滿足嘞。」