Robynn作歌念亡母靠忙自我麻醉
組合出身的唱作歌手Robynn（葉晴晴），挺着7個月身孕宣傳新歌《Fifth of May》，指5月5日是亡母生日，歌曲就像日記訴說對母親的思念。Robynn & Kendy（R&K）在2012年出道，同年母親卻離世，最難忘臨離開前一段日子，當時媽咪病得好辛苦，但Robynn仍要保持R&K形象充滿陽光，她說：「嗰時工作後去探佢，真係超級精神分裂。」母親喪禮後不夠7日，R&K便首次踏上大型舞台，在3、4千人面前表演，Robynn笑說：「我都問自己點解做到，我覺得係媽咪畀到力量我。」當時慶幸忙碌工作能麻醉自己：「總好過屈喺屋企諗啲唔開心嘢。」
離開環球後，Robynn自資成立製作室，承認曾有迷茫，之後還意外懷孕，亦令她有所慌亂，但相信是上天送給她的禮物與挑戰：「有種死唔斷氣、唔甘心嘅心態，依家做咗新歌出嚟又好自豪。」感激找到志同道合的音樂人幫手，令她不覺孤單。