吳彥祖樂做「小角色」為下一代鋪路
貴為影壇男神的吳彥祖，近年長居美國發展演藝事業，日前接受好友兼前組合Swing成員陳哲廬的視像訪問。當談到為何選擇在美國拍戲，而非集中火力在內地發展時，吳彥祖坦言在美國演藝界只是沒有地位的「小角色」：「好多人問我，點解要去美國捱，你喺香港同內地市場可以任你揀，賺好多錢，但我依家所做嘅係為下一代做準備。」
嘆美國少華人影星
他解釋自小在美國長大，很少看到有華人在大銀幕現身，直至近年才出現，故自覺有責任為在美國及歐洲長大的一代籌謀，為他們開拓演藝夢：「依家我見到度門開咗少少，希望可以推開佢，再穿過去，雖然係好困難……」
過往拍攝不少經典電影的吳彥祖，被問到拍戲點滴時坦承因性格內斂，在片場中很少跟人交談，又自爆雖未被導演責罵過，但曾給對方麻煩：「中文唔好，有句對白係『咁我閃啦』，但個閃字講得唔好，當時劉偉強拍攝方法係要快，佢話不如改個撇字，但我唔明咩叫撇，又講得唔好，咁佢就話拍下一組，可能佢心諗點解我啲中文咁差！」