曾志偉送別亡妻海葬圓願

曾志偉與兒子曾國祥及新抱王敏奕送別朱錫珍。

藝人曾志偉現任妻子朱錫珍於本月3日因病離世，昨日清晨時分，於大圍寶福紀念館進行告別儀式，其後將遺體送到大嶼山寶蓮寺做法事及火化，約8時半，志偉亦於寺內現身。期間胸前戴有白色襟花的志偉與一位法師傾談，他表現冷靜，見記者欲上前採訪時，他合十表示：「我轉頭先至講。」

於寺內誦經兩個半小時後，志偉與兩個兒子曾國祥及曾國猷、新抱王敏奕先行秘密乘坐七人車到鄰近火葬場，親友則乘小巴抵達，全程未見曾國猷的太太，其後一眾法師到場為志偉亡妻進行法事。

約中午時分，志偉、曾國祥及王敏奕跨過火盆步出後，志偉與曾國祥受訪，志偉表示喪禮一切依太太遺願，低調處理：「佢（朱錫珍）本身係一個好低調嘅人，所以選擇一個寧靜嘅方式。（係咪對太太離開有晒心理準備？）係，佢都病咗一段時間，一家人都想用一個佢最想嘅方法完成佢遺願。」曾國祥又指媽媽一直想海葬。

志偉與法師傾談後，見到記者即合十。

一身素服的曾國猷拖着女兒。

「對佢嚟講唔再痛苦」

志偉指太太離世當日，一家人都聚首相伴，並一早已交代遺願：「其實對佢嚟講已經有好充分嘅心理準備，我哋亦都係，對我哋嚟講（離開）都唔係太突然，對佢嚟講都係一個唔再需要痛苦嘅事實，佢病咗都有成十個月。（太太因咩病離世？）其實都好多種（癌症）。」提到曾國祥早前獲金像獎「最佳導演」是對媽媽最好的禮物，曾國祥直言當時與其母在醫院看直播，宣布那刻二人更相擁齊哭。