藝人江美儀日前到電台受訪，自爆當年由亞視過檔無綫，全靠吳君如幫忙：「如果唔係君如，我根本入唔到無綫。當年無綫斟君如再開節目《星星同學會》，佢問無綫係咪唔夠人，要唔要江美儀，結果樂小姐（無綫高層樂易玲）簽咗我，雖然合約條件唔好，兩年一個騷，係好平，但冇辦法。」
提到當年宣布與君如胞弟吳君祥結束11年情，同時被爆瞞婚，她說：「做我哋呢行生活好透明，太多事唔到我話事，我唯一可以守就係呢個秘密，係好低能。」她坦言與前夫拍拖幾個月便結婚，但不是「衰衝動」，離婚亦沒第三者介入，原因是兩人聚少離多，以及步伐不一致。