湯沛宜變態私影被嗌擘開啲！
曾當私影Model的藝人湯沛宜，早前為方紹聰（奶仔）及盧峻峯網上節目《約女.Yama嗲》任嘉賓，挑戰行山熱點「犀牛石」，邊行邊聊天。身穿運動裝露出3吋事業線的湯沛宜，被奶仔問到有關私影的要求，她說：「大部分都好有禮貌，唔會令我哋太難堪，但當然都有啲另類癖好，好似3個鐘頭都淨係影腳趾，影嘅時候會叫撐開啲腳趾咁。」奶仔忍不住話「變態」，她續說：「都幾，但只係影腳趾啫！」她還遇過特殊愛好者出高價邀約齋影大髀，每小時一、二千元！
唔Mind戀失婚男
談完私影話題，奶仔與盧峻峯問湯沛宜感情問題，她表示不介意跟年紀較大的男士拍拖，結過婚也沒問題：「因為經歷過婚姻失敗，可能吸取到教訓，會有所改變，但絕對不能係已婚，我一定要坐正，唔會做第三者！」
抵達「犀牛石」後當然要打卡啦！湯沛宜更玩「亡命健身」，在位處高山上的「犀牛石」拉筋，相當牙煙，奶仔即提醒她小心樂極生悲。驚險以外亦有搞笑場面，湯沛宜「求其」搵支燈柱都可以玩「鋼管舞」，更倒豎葱一字馬，十分爆笑！
