關嘉敏捱棍做打女唔怕冇仔吼
25歲女子組合Bingo成員關嘉敏（Carman）入行3年，以跳唱女團身份成「宅男女神」，原來她一直有個「打女夢」，近半年拜師無綫藝人冼灝英門下學大聖劈掛。
日前她穿上運動Bra Top及短褲現身拳館，先瞓地做熱身，露底之餘又漏「事業線」，緊接練體能的跳躍動作，36C上圍隨身體上下搖動，場面震撼，跳到扯晒蝦的她，最後攰到坐在地上回氣。
心願上擂台
Carman受訪時透露，學功夫比想像中辛苦又易受傷，但未想過放棄。談及最傷一次，她自爆：「師傅超級嚴格，有次我記錯咗打狗棍法招式，佢就用好粗、好大碌嘅棍毆落我腳度，即時瘀咗，因為好痛，我以後唔會再錯。」而另一次慘痛經驗，是因練功太多致膝頭軟骨組織磨損，痛到舉步維艱，連如廁都成問題：「屈唔到腳，要用雙手撳住幅牆慢慢跣落去，等對腳伸直咗先坐得低。」針灸及養傷3個月，她的傷患才好轉，但要長期戴護膝。
問為何鍾情功夫，她表示想拍動作片：「有人覺得女仔做打星好粗暴、好趕男仔客，但我反而覺得好有型、好吸引！楊紫瓊係我目標，我睇晒佢啲動作片，覺得佢好有殺氣！」他朝學有所成，她亦想上擂台參賽，測試自己實力。