黃嘉雯自爆做媽咪！
上屆港姐冠軍黃嘉雯日前孖好友出海學滑水，潛水衣內藏三點式，見她試玩幾次後已大騷Quali，甚有天分：「之前遊船河玩過一次之後，就好認真請咗個教練學，做到係特別開心同有滿足感！（最困難部分？）放繩，雖然依家放到1、2分鐘，但未練到喺浪上面點樣控制方向，之後仲想學埋花式，見人哋可以轉一個圈好勁！」
此外，她突然在社交網自爆已為「人母」，嚇窒網民，原來她與家人領養了一隻兩歲大的松鼠狗女「Doxy」：「我係契媽，家姐先係媽媽。記得當時Doxy好怕醜，冇其他狗仔咁熱情，但只要佢健健康康，相信佢會變得開朗。」又笑言領悟到為人母親的「道理」：「覺得自己嘅小動物係最得意，好似自己個BB係最靚咁。我之後會同佢出多啲街，拍寵物美容片介紹佢。」
