35歲日本女團Morning娘元老級成員福田明日香一直紅唔起，索性瞓身一博，喺6月推出全裸露毛寫真集，成為首位拍攝露毛寫真嘅「魔娘」成員。
寫真一上架就受到注目，出版社初時收到大批訂單，引起網上訂購潮，估計出貨量有10萬本，日本最大購物網仲一度因為有太多入入網站預購搞到要暫停運作！寫真推出首兩周分別喺銷量榜排第3同第6位，不過去到第三周已經跌出10大，累積銷量只得7,022本，賣剩9萬幾本倉底貨，加上受疫情影響冇辦法搞宣傳活動，估計出版商要蝕大本！