吳浩康挑戰山地單車 回味童真

英皇歌手吳浩康近期愛上玩山地車，原來跟童年生活有關︰「細個住元朗，去邊都會踩單車，到大個咗就好想搵番當時嘅生活！早幾年前鍾意埋Camping，就喺度諗如果喺山度踩埋單車會好正，於是開始買單車、搵教練學。」興奮指挑戰路面不平最刺激︰「皮外傷點都一定有，但唔會好似大家諗到咁危險，最大困難係要突破體能，最長試過連續踩8、9個鐘。」又指現跟教練組織踩車團，希望幫手推廣運動，日前首次參加比賽更勇奪亞軍，他坦言終極目標是衝出香港，出戰2022年的南非多日賽。