劉穎鏇褲頭鬆唔敢上磅

藝人劉穎鏇(Tiffany)與伍樂怡(Kelly)齊齊為無綫劇集《超能使者》拍外景,二人於劇中是好友,Kelly飾演唐詩詠助手並同居。

兩位靚女的戲服都露腰晒腿,非常養眼。見Tiffany比開拍時清減不少,她興奮地說:「好多人都話我瘦咗,呢套劇啲戲服都好窄,不過我覺得依家啲褲頭真係有少少鬆。(有冇磅過瘦咗幾多?)咁又冇喎!真係冇磅過,唔知依家幾多磅,其實我好怕磅重,咁樣壓力會好大,我覺得磅數都係一個數字啫!」Kelly就表示疫情期間不停食都胖了點,故與同劇演員Tiffany、陳山聰及林子善等一樣,齊齊keep fit,只吃雞蛋白、番茄仔等。她又指其角色搞笑又大頭蝦,都有挑戰性。