何展睿用旅費出碟

唱作歌手何展睿前晚舉行新碟發布會，開心透露第一版限量版200隻已售罄，故加推100隻第二版精裝版，共自資5位數字。去年出道的他遇上社會運動，今年又有疫情，但他揚言難做都會堅持：「Timing唔啱都冇計，惟有逆境自強，本身正職教鋼琴同小提琴，可以維持生計，我今次係用去旅行嘅錢出碟。」他已教授音樂17年，今次發布會亦有學生表演樂器支持。