暴曬揮劍熱到謝 蘇皓兒野外「遇襲」

藝人周志文與細佬周志康、翟威廉為他們的新歌《人馬座》拍MV，更請來女神蘇皓兒（Chloe）擔任女主角，好友陳安立亦有客串，劍道高手羅浩銘則擔任顧問兼借出盔甲及木劍。歌曲由翟威廉作曲、作詞，「大細孖」合唱，眾人以劍道Look於南生圍取景，在烈日下拍足12小時，要頻頻飲水降溫，期間又遇上大蜜蜂「襲擊」，陳安立與羅浩銘被叮中，幸無大礙，反而Chloe毫無懼色，被封為「女中豪傑」！
蘇皓兒
蘇皓兒

整蠱當提神

Chloe受訪時表示，全個MV拍足3日：「事前學咗一日度招數，但最辛苦係夏天着劍道衫，比較厚，同埋把劍好重，拍完隻手抬唔起。」而周志文希望歌曲可於8月推出，問到Chloe是否義務演出，他說：「我哋會同佢私底下計，威廉會還o架喇！佢係我哋嘅總管。」提到上載嚇Chloe的爆笑短片，他笑說：「嗰日早早哋，到佢差唔多埋位，見佢好攰咁，咪幫佢提吓神囉！」

翟威廉（左起）、周志康、周志文、陳安立老友鬼鬼，拍MV當Gathering。
  • 翟威廉（左起）、周志康、周志文、陳安立老友鬼鬼，拍MV當Gathering。
蘇皓兒穿上厚厚的劍道服揮劍，攰到手都提唔起。
  • 蘇皓兒穿上厚厚的劍道服揮劍，攰到手都提唔起。