蘇志威被噬手：係自己錯

圈中不少「狗奴」曾被咬，姚子羚於四年前被收養的唐狗咬傷粉臉，面上留下6、7道疤痕，需停工一年療傷。她受訪時指疤痕至今已不太明顯：「狗狗唔識講嘢，但透過身體語言會知，如果大家唔太熟隻狗狗，唔好專登主動掂佢，等佢過嚟掂吓你、聞吓你先，亦唔好一嚟摸佢個頭，有啲狗狗會對呢個動作有壓力。」她亦有留言為Aka打氣：「Speedy recovery（早日康復）。」獲對方回應：「謝謝你，有咩問題再問你，Thanks。」至於家中飼養高加索犬的蘇志威，多年前曾被愛犬咬傷手：「件事係幾不幸，咁多年我都覺得係自己錯，唔應該喺佢發脾氣時接近佢！大家見到流浪狗時要遠離，唔好胡亂接觸，因為佢哋可能受過我哋唔知嘅傷害，狗嘅自我保護反應較大。」