Cardi B用辱華字眼 詐傻死撐

美國饒舌天后Cardi B前日上載與老公Offset的合成照,並留言:「呢個就係阿女Kulture Kiari Cephus個樣?我鍾意。」有粉絲留言指合成圖似足她的妹妹Hennessy,Cardi指妹妹、老公及女兒同樣有雙「矇豬眼(Chinky eyes)」,用詞疑嘲諷中國人眼細。有Fans留言指正,但Cardi仍然死撐,扮傻指不知這是種族歧視字眼,更發爛渣指不想侮辱別人,又自言厭倦互聯網,事後與粉絲齊齊刪除相關留言。

Cardi已非首次得罪中國人,3月時曾拍片爆粗鬧中國傳出新冠肺炎病毒:「呢壇X嘢令我好恐慌,我唔明啲X嘢點樣由武漢出嚟,跟住就去X咗世界巡迴。話你知,好多嘢都係中國嗰度嚟,如果大家想知點解啲XX假髮同XX時裝包裹仲未送到嚟,就係因為新冠肺炎!」