荷里活巨星韋史密夫（Will Smith）的老婆珍達娉琦（Jada Pinkett Smith）日前在節目中承認曾與男歌手August Alsina有染，節目曝光後，韋史密夫的歌手好友50 Cent即私訊慰問，卻慘遭爆粗狂鬧！
50 Cent前日在社交網公開與韋史密夫的對話截圖，當中他問道：「Yo，你冇事嘛？」韋史密夫回應：「我冇事，多謝你嘅關心，兄弟。」他之後再問：「點解佢（珍達）會喺節目入面、所有人睇住下講啲咁嘅X嘢畀你聽？」對方回覆：「之前我哋分開，所以佢有佢做，我有我做。」50 Cent不識趣再追問，韋史密夫即時嬲爆回應：「X你，50！」
珍達今次爆料引來明星好友關注，網民亦在社交網熱烈討論，更有人懷疑韋史密夫與舊拍檔女星瑪歌羅比（Margot Robbie）亦有一腿！