歌手小肥前晚舉行網上直播音樂會，談到在社交網上載健身相疑遭性騷擾時，他笑說：「我冇Click入去睇男定女。（見到留言有冇嚇親？）係笑咗出聲，我前一篇文話唔開心冇人理我，但Po呢個豬朋狗友即刻出晒嚟，話機會嚟啦！」
此外，他笑言與好友J.Arie拍攝煮食片，對方竟炮製豉椒蒸橙及榴槤炒糉，他更妙想天開有意請古天樂試食。他又自爆因惡搞財務公司廣告而收律師信。
