吳業坤預告有得咀 陳曉華落閘保「初吻」

何廣沛、陳曉華（Hera）、吳業坤、曹永廉與黎燕珊等，昨日出席無綫新劇《異搜店》造型活動，已三度合作的廣沛及吳業坤今次再度爭女，但女主角由朱晨麗改為Hera，連廣沛也忍不住讚他們眼光好，以港姐冠軍為目標，惟吳業坤連聲否認。

問到朱朱與Hera哪個較標青？吳業坤一臉尷尬說：「我唔想得罪朱朱，又驚畀廣沛打喎！」劇中演醫生的他，自爆與Hera有親吻戲，問是否自薦加戲？他笑說：「我會問咗Hera先，唔想影響我個清純形象。（刪咗咀戲囉！）又唔好，我真心開心嘅！」問到Hera是否其理想對象，他即大讚對方條件不俗，記者指Hera現時沒有拍拖，他更雙眼發光：「係咩？曉華！曉華！」

黎燕珊讚有禮

而首度擔正女主角的Hera，對於咀戲笑說：「輕輕一吻。（再激烈接唔接受？）睇係咪劇情需要，不過我個螢幕初吻都仲保到。（頭先吳業坤話鍾意你，咁你現實中揀佢定何廣沛？）揀何廣沛，之前同佢合作過，佢好識照顧人，吳業坤就冇太多接觸。」而飾演Hera媽咪的黎燕珊，大讚她有禮貌、人又甜，期待擦出火花。