蔡潔速成琴技「唱」好大結局

藝人蔡潔在無綫劇集《飛虎之雷霆極戰》中飾演電腦專家，演出備受關注，最近在社交網上載一段自彈自唱由莫文蔚主唱的《飛》劇主題曲《呼吸有害》，一展琴技！她表示今次只是小試牛刀：「套劇大結局！其實踏入結局周已經好唔捨得，所以都諗緊有咩可以為套劇做呢？我今年3月先學鋼琴，所以膽粗粗就試吓自彈自唱，加上首歌我成日聽，大家又好喜歡，希望唔會太失禮啦！」