余香凝銘記「妤」心 齋着內褲送抱
藝人余香凝與廖子妤（Fish）多年陪伴彼此走過高山低谷，Fish前後兩度「勇救」好姊妹，令余香凝銘記於心，視對方為摯友並納入「核心內圍」，立誓此生感情到老。
18歲那些年，余香凝認識了Fish，從此展開微妙的緣分，多年前更齊齊拍攝電影《骨妹》，Fish正式走進對方朋友圈的「核心內圍」，余香凝坦言好友見證了她入行後經歷的「兩大難關」：「嗰個新聞（指與前度陳家樂分開後被指劈腿）爆出嚟，Fish咁啱喺我附近拍通宵戲，當時我唔知點算所以打畀佢。佢收工已經好攰，但同我講：『唔得，我要嚟搵你。』就衝咗上嚟！」Fish忍不住笑着插嘴：「一見面就攬一攬，點知我發現佢只係着咗條底褲！」
遇車禍 對方飛奔醫院
余香凝分手前，與陳家樂曾發生車禍，當時嚇得Fish不知所措：「我本嚟喺屋企瞓緊，點知見到佢Send張相嚟，一度以為佢化咗受傷妝，但諗清楚半個鐘前先同佢通電話，佢唔會係做緊嘢，我咪衝去醫院囉！」感性的Fish坦言當時無法知道是否「最後一次」，又擔心好姊妹撞車引來大批記者追訪：「去到醫院都幫唔到佢啲乜，只係幫佢影咗一張相（發給記者），翌日見報。」
這兩次患難後，令余香凝立誓要向Fish「報恩」﹕「去年底有次Fish嘅情況好差，可能因為工作壓力同社會氣氛，我覺得唔可以由得佢一個人！本來我嗰晚返咗屋企，都即刻換衫搭的士去搵佢。佢就係有時演戲抽離唔到，刷刷吓牙都會爆喊。」Fish靦腆承認：「當時我爆喊，覺得自己抖唔到氣。天生對世界嘅反應敏感，其實我講得出嚟，都知道係唔健康，同埋需要改善嘅。」
被爆醉後搵人攬
Fish又搞笑踢爆女神好友的趣事：「千祈唔好畀佢飲醉，佢一醉就對所有嘢好感恩，然後周圍攬人喊，仲會同人講：『點解你咁好人嘅？』我喺隔籬截唔停佢！」對於覓得知心友，余香凝坦言珍貴：「餘生能夠有呢班人已經好足夠！坦白講我起初入模特兒行業時，有啲人啱啱識你就叫『Baby』，好似好熱情，我有啲接受唔到，反而覺得做演員嘅……真實啲好。」