陳豪做明燈 教精羅仲謙

藝人陳豪與羅仲謙日前在石崗拍攝劇集《陀槍師姐2020》煞科戲，陳豪指劇中有大量動作及爆破場面，但演指揮官的他較少動作戲，至於謙仔則比較辛苦：「我係行動組，上山下海、跳樓、爆炸全部齊，拍攝嗰陣都有少少受傷，拗過兩次柴！」
陳豪負責指揮大局，揸槍都係貪型仔啫！
陳豪負責指揮大局，揸槍都係貪型仔啫！

謙仔透露拍畢《陀》劇後，待7月中再開工，會趁休息期間學湊女：「依家諗緊佢學業嘅嘢，有向陳豪取經，問佢啲方向性嘅嘢。佢係我嘅明燈嚟，有佢唔使行咁多冤枉路。」陳豪即以過來人身份分享：「每個家長都頭痛，有條路線好重要。好似我以前3個小朋友分開3間學校，淨係每日做司機車出車入已經6個鐘，依家全部同一間學校就好好多。」

羅仲謙帶隊衝鋒，上山下海樣樣齊。
  • 羅仲謙帶隊衝鋒，上山下海樣樣齊。