張韋怡昨日受訪反擊：「姑仔嘅指控6年前出現喺我老公嘅二哥同阿嫂身上，所以我只係Copy Case。全部都係佢扭曲事實，惡意中傷！我已經啞忍一年半以上，以自虐式零反應對應佢嘅橫蠻。」
張韋怡指自己正忙於創業，不用工作時只想享受親子樂，但對方就不同：「佢36歲未婚，未有穩定感情，冇正常社交圈子，亦冇任何工作經驗，每日只係閒着喺屋企盤算，佢呢啲莫須有指控，交畀老公家庭自己去拆解。（話你攞咗個仔100萬嘅教育基金去讀書？）係扭曲抹黑，老爺畀嘅全數喺我老公戶口。」至於被指未註冊一事，她則回應：「事實婚姻，家庭幸福。」