劉俊謙蔡思韵抗拒情侶檔

男神劉俊謙與仙氣女神蔡思韵昨日到電台宣傳新片，二人因拍戲而拍出愛火，拍拖一年感情穩定，問可有結婚計劃？蔡思韵說：「我下個月先26歲，仲細。（仲有得揀？）唔係，依家結婚太早，想做嘢穩定啲先，事業剛起步。（咁快公開戀情？）年代唔同，依家咁開放，而且好穩定，所以唔介意公開。（寓工作於拍拖？）做嘢還做嘢，盡量分開啲，想保留做演員嘅獨特性，唔想成日黐埋，費事觀眾見得多眼冤，我驚畀佢女粉討厭呀！」並透露因疫情而未能到台灣拍劇，失去一個重要角色。