樂宜Big爆廚房諗煮意箍仔
「宅男女神」樂宜昨日身穿低胸短裙出席活動，大騷Big爆上圍，十分吸睛！她在煮食節目中性感上陣，但無助加分，反而C君太太黃天頤笑言被她搞到分心鎅親手！
「美女學徒」樂宜（前名洛兒）、DJ黃天頤及潘杰寧等，昨日出席ViuTV節目《索女人妻ichi烹》記者會，樂宜自言有兩年下廚經驗，節目中評判試食亦讚OK：「雖然有時煮到有啲燶燶地。（因為你着得性感，所以佢哋話OK？）評判試食嗰時話冇問題，但最後出嚟結果唔係咁，佢哋都好公平。」問到可覺得女生識下廚會加分？她坦言：「會o架！男仔都鍾意老婆或女朋友識煮嘢食，所以我依家盡量學好啲，想學中餐。」
男友未食先讚好
樂宜廚藝麻麻，節目豈非幫她「倒米」？她笑說：「唔覺，男朋友鍾意睇女朋友蝦碌，唔識煮都係樂趣，兩個可以慢慢試吓一齊煮。」問到可試過拍拖煮飯仔？她說：「我負責煮，佢負責洗碗，因為我煮完會搞到個廚房亂到好似打仗咁，啲油彈到周圍都係。（佢食完有咩評語？）未食已經話睇落幾好，食完就話唔錯。」
黃天頤分心鎅傷
至於黃天頤亦晒幸福，自爆婚後只負責食，老公C君負責下廚：「但我都有為節目練習，會煮番畀C君食，佢好有鼓勵性，我煮到一半已讚幾好，好快交戲！」她又自爆拍第一集時不夠3分鐘已鎅到手，與樂宜煮不夠10分鐘又再(界刀)親，笑指因對方衣着性感，身為女生都會分心。