何依婷扮阿婆有Market
藝人何依婷（Regina）早前為《學是學非》第7輯拍攝最後一集，造型百變，靚女僕、大媽，甚至阿婆Look都有！Regina笑言最愛阿婆造型：「可以『預見』自己老咗個樣，好得意！」提到向來是女神級，會否擔心此造型會趕走男Fans？她笑說：「婆婆都有佢哋嘅Market，可能吸引更多粉絲呢！」
Regina在節目愈做愈好，獲不少網友稱讚，她亦笑言的確比以前放鬆：「呢輯好特別，由頭做到尾，多啲機會同一班『是非精』相處。每次見到佢哋都好似好妹妹、好朋友，可以玩得放啲，上一輯因為係中途加入，比較怕醜同驚。」今季拍到最後一集，她當然大感不捨，又希望下輯「快啲開」，可以繼續做「是非精」！
