胡杏兒近日為成人護理產品拍廣告，她感恩疫情下有工開，又自爆最近多了時間與家人相處：「小朋友成長得太快，更加珍惜一家人相處嘅寶貴時間。」她不時上載兒子的搞笑片段開心Share：「佢哋兩兄弟性格好唔同，但一樣係Happy Baby，帶好多快樂畀我哋。最近大仔Brendan唔使返學，睇多咗電視，學識跳《江南Style》，又識跟拍子同擺甫士，可能遺傳咗我嘅基因，哈哈！」
