陳明恩一索得男歎老公按摩

現正懷孕4個月的陳明恩成功一索得男!前晚跟老公及一班好友開Party揭曉混血B性別,更獲張文慈送上一紮鮮花祝賀。自認是緊張媽媽的她,坦言於疫情之下佗B會更緊張,消毒方面會做到足,問到今次佗B老公有何獎勵?她冧笑說:「最近佢做多咗好多家務,依家當我係Queen咁,每晚又會幫我按摩腳同腰,做咗準爸媽之後每樣嘢都好新鮮,開始有睇吓育兒書、遲啲又會去上堂學習。(有搵陪月?)未,因為仲未決定喺香港定新西蘭生。」