唔怕畀翟威廉唱 陳庭欣：佢欠我好多！
藝人翟威廉「疫」市出擊，投資6位數字於佐敦投資日本清酒小店，昨日開幕更邀請八方好友撐場造勢，包括舊愛陳庭欣、周志文及周志康等圈中人，而羅天宇玩「快閃」祝賀，疑似避回應舊愛湯洛雯的新戀情。
講到庭欣也來撐場，翟威廉抵死說：「佢梗係要嚟啦！上次佢唔見隻雀，我都有份幫佢搵，如果佢唔嚟就講呢件事！」庭欣則笑言經常會落舖幫襯︰「買到係常客。（佢話如果你唔嚟會唱你，話你欠佢好多！）咁啱嘅，佢都欠我好多，永遠都還唔晒就啱！（唔帶男友嚟？）有邀請佢，但佢唔會咁早飲酒。」對於早前因接受由香港演藝人協會發起的9,000元疫境支援計劃，結果惹來爭議，庭欣自爆今年零活動主持工作，但聆聽多方意見後決定主動聯絡單位秘書處，不介意重新審批，若通過的話會全數捐出。
至於周志文的緋聞女友劉佩玥被拍得登門拜訪，其後更大方承認有入屋，他解釋：「佢上嚟飲湯，拍劇辛苦嘛！（有傳劉佩玥因為你同好姊妹陳瀅擘面？）係咩？我冇睇到呢單，佢哋兩個好Friend。」