杜小喬未忘舊愛 男友冇詐型

「娘娘」杜小喬推出新歌《側臉》,回憶與舊愛的甜蜜時刻︰「拍拖時戀人都會喺隔籬,有次佢讚我個側面好好睇,想借歌說故事。」問到現任男友譚永浩可有呷醋?她笑言幸好男友開通,而且新歌在兩人拍拖前已「起貨」,冧爆讚男友幫忙出Post宣傳︰「好感動!因為要有相當多嘅信任同大量。佢嘅鼓舞對我嚟講好重要,其實戀人、朋友應該坦誠相對,我好樂意Share,所有嘢佢都知。」

小喬指唱歌不是她最有把握的範疇,相比之下,男友更唱得︰「今次佢畀咗好多意見我,教我點唱、點投入感情。(之後會合唱?)如果有機會都會,香港嘅音樂市場要付出好多心機同努力,佢唱歌好好,只係未遇到一個最啱嘅人幫佢。」問到若安排合唱,會否對到厭?她笑言不會︰「佢有多重身份,例如仲係知己,一個話題可以講足全日。」