藝人羅霖與葉家寶昨日出席網紅活動記者會，擔任網紅評判的她表示最近受疫情影響致零收入，要大屋搬細屋減開支：「已經6個月冇工作！過去每個月會返內地4、5次，都有6位數字收入，依家冇得返去做嘢，所以好大損失！（要節流？）係呀！所以最近要搬屋，新屋比之前嘅租金平啲，要慳啲囉！搬屋過程都好搞笑，阿仔幫手但粗手粗腳，搞到個櫃撞落我腳趾度，腫晒！我冇怪佢，都係親子活動！」
