吳雲甫計唔掂數 打退堂鼓
現年38歲的前港男吳雲甫（Owen），與瑜伽導師林瑋如（Jackie）結婚三個月成功造人，日前更在社交平台宣布佗女，「前世情人」即將到來，令Owen大感興奮！他日前無懼疫情，帶孕妻出巡尖東，Jackie已明顯見肚，但依然步履輕盈。兩人行到攰去歎下午茶，Jackie佗BB關係影響食欲，只飲果汁，Owen擔心老婆不夠營養，不停餵食Cake。期間，Jackie拿出腹中女兒的超聲波圖片，兩公婆不停研究人體奧妙！
轉戰運動教練的Owen趁着當日不用教班，陪老婆產檢後轉往睇二手車，原來準備換七人多用途車，看來想女兒出世後方便一家三口出入代步。不過，疫情影響下收入大不如前，加上未能追回欠薪，想換車都只能「睇餸食飯」，他最後睇中一架較新年份、約40多萬及另一架車齡高、約10多萬的七人車。睇足近一個鐘，兩公婆最後打退堂鼓返家再籌謀。
借場教班搵奶粉錢
事後Owen受訪，坦言早兩個月完全零收入，幸好社交隔離放寬，可以再教班及拍片：「有廣告等收入都穩定啲，我老婆有兩間瑜伽studio，咪借佢地方教班，效果出奇地好，努力搵奶粉錢。（換車要慳住？）我自己揸兩門車，但好難放BB椅，上落易整花，都係換二手車好啲！」
