劉晨芝預咗破相

女星劉晨芝大前日凌晨在夜店消遣時,疑遭外籍女子連環三腳踢爆下巴,兩傷口至今依然腫痛,頸部更扭動不得,昨午急急到醫院接受頸椎神經科治療,她說:「條頸好痛郁唔到,仲扯到個頭都痛!至於下巴個傷口,醫生都話可能係傷口太深藏咗血塊,如果係就要再拆線整過,警察都叫再畀個詳細驗傷報告佢哋。」她昨晚受訪時稱剛做完手術,兩傷口再縫共24針,且要留院檢查頸及頭部。

出事至今,劉晨芝寢食不安,因本周要飛去美國拍攝名導馬田史高西斯的新片,如今要更改機票:「因為簽晒合約,如果拍唔到可能要賠錢,依家搞成咁心情好憂慮!醫生講咗一定有疤,始終係破相。」又澄清絕對沒有爭仔:「我覺得佢以為係,但完全唔係呢一回事,真係好普通過去打招呼,Hug(攬)都冇!冇理由同一個人講吓嘢都唔得啩,我覺得呢個人好有問題,唔知飲醉定係咩事。」

另外,警察公共關係科回覆指已將劉晨芝遇襲列作傷人案,交由中區警區刑事調查隊第八隊跟進,暫未有人被捕。