鄭嘉穎床戰「小三」唔畀陳凱琳監場
鄭嘉穎是圈中出名的「愛妻號」，拋開「爸爸包袱」，於新戲一嘗出軌滋味，與「小三」肉搏連場，他笑言不准大肚老婆陳凱琳監場。對於有傳他返無綫拍劇幫老婆還「人情債」，他反問：「父債子還呀？」
由鄭嘉穎與朱晨麗主演的電影《焚身》，昨日進行開鏡拜神儀式，同場還有監製黃百鳴及藝人羅蘭，今次是嘉穎自太太陳凱琳（Grace）宣布再懷孕後首度現身。他透露飾演朱晨麗的醫生老公，會跟患精神病的「小三」出軌，惹來一身麻煩，險家破人亡。他笑言角色對已婚男士有阻嚇作用：「作為一個警惕，大家千祈咪出軌！」
否認妻債夫還
他又稱跟「小三」有激情戲，但以電影尺度來說只屬「碎料」，為安全起見，已向Grace備案。問到老婆可有提出監場？他大反應說：「大住肚就唔好啦！想佢盡量少啲出街，但佢性格係唔停得，坐唔定。」再問Grace何時預產期、懷胎幾多個月及BB性別？他全部避答：「等佢講啦，我驚我講錯嘢呀。」並指囝囝仍未知將做哥哥：「佢淨係講火星話。（有摸Grace個肚？）驚佢會用力拍，因為佢仲未明白有個小生命喺入面。」
對於有傳Grace密謀離巢，嘉穎表示不清楚太太何時約滿。另有傳他相隔3年返無綫拍新劇《兒童醫院》（暫名），疑為多次推劇的Grace還「人情債」，他笑言：「呢個世界有啲咁嘅嘢咩？父債子還呀？唔好信啦！（返去拍劇？）未確定嘅嘢都唔會撇除可能性，適當時候先講。」
朱晨麗素顏上陣
而朱晨麗透露於戲中會跟「小三」大打出手：「女人打交仲精彩，唔止扯頭髮咁簡單！」為配合母親角色，她盡量素顏上陣：「咁樣先融入到家庭，所以要Keep住皮膚靚靚。」並自爆加了一場與嘉穎的激情戲，絕無底線：「戲中係兩公婆，做咩都得嘅。」