德國前超模Heidi Klum擔任評判嘅才藝真人騷節目《全美一叮》，最新一輯有兩隻豬表演雜技，睇到幾位評判捧腹大笑，更令全場觀眾站立拍掌。表演完畢後，Heidi話自己從未見過咁大隻豬，仲問可唔可以上台同隻豬咀嘴？因為聽過咀豬會行運喎！上到台之後，佢同「巨豬」咀咗！而同樣有上台嘅另一位星級評判蘇菲亞維嘉娜就驚青得多，只敢遠距離摸吓隻豬。