環球歌手涂毓麟（Oscar）推出新歌《日出彩虹》，鼓勵大家咬緊牙關就可以走出困境。他坦言也曾陷入困境，當日大學選科拿不定主意，最終選了入讀科大的環球商業學系，卻誤打誤撞行了歌手這條路：「人生每經歷一樣嘢都係一個階段，我幾信命運，加埋我有宗教信仰，覺得神係會引領住我，如果當初我留喺英國繼續讀理科嘅話，就唔會返嚟香港，亦唔會參加《全民造星》，唔會唱到歌。」講到他靚仔、讀書叻、又有才華，完全是「人生勝利組」，他即謙稱不覺比他人優勝，反而常覺得不及他人叻。
