天堂鳥翻唱經典Sell熱血

男子組合天堂鳥（BOP）翻唱組合小虎隊的經典金曲《伴我啟航》向前輩致敬外，更想藉此機會跟一班即將踏入社會的生力軍合作。成員Gordon說：「好開心可以同大學生合作，佢哋有好多新鮮諗法同拍攝方向，同佢哋合作令我哋都變得好熱血，拍攝當日真係好熱，哈哈。」Lincoln亦說：「為咗呈現最好效果，係完美複製《伴我啟航》入面小虎隊嘅造型，烈日當空着住衞衣嚟拍，都真係好熱血。」Tyrese則表示最開心邀得小虎隊成員胡渭康客串演出。