Aka冇王管任意性感

組合Super Girls隊長Aka昨日身穿運動Bra加短褲拍攝健康產品廣告，大晒23吋半纖腰，她自爆代言費達6位數字：「喺呢個環境下好滿意同感恩！不過好大壓力，要更加鞭策自己多做運動，唔肥得！我最肥試過120磅，依家104磅最瘦o架喇，個個都話我好瘦，其實我大髀內側、腰間有好多『鬼祟肉』，人大咗新陳代謝就減慢。」她指造型未算性感極限，但如果要着三點式，笑言要先問媽咪及經理人，不用問男友？她說：「好彩我冇，自由到不得了！」她坦承早前有追求者表白，但遭她拒絕：「目前麻麻哋想拍拖，覺得拍拖好攰，加上我想搵結婚對象，咁就要睇定啲！」