韓國43歲女星咸素媛同細佢18歲嘅內地網紅陳華結婚兩年，佢兩公婆一齊拍攝嘅韓國節目《妻子的味道》為咗慶祝100集，尋日舉行發布會，咸素媛谷胸上陣，拖實老公同奶奶一齊行紅地氈，三個人都着到紅噹噹，尤其奶奶造型特別浮誇，搶新抱鏡。咸素媛表現勁風騷，同老公咀嘴兼派心，陳華更當眾抱起老婆晒恩愛！