周家蔚捱過谷底 趁平租搏殺
「星級媽媽」周家蔚下嫁洪天明後除了相夫教子，還一直努力發展事業，經營過童裝、內衣生意的她，兩年前在佐敦開設香薰精油店。不過，早前受疫情嚴重打擊，最惡劣時生意大跌超過一半，幸已捱過最黑暗的3個月，更重啟開分店計劃。
近日周家蔚頻頻坐鎮舖頭，除做「生招牌」吸客外，亦落手落腳打理。日前下午，見她在店中整理貨品，除了將新貨上架，又親自試用。一絲不苟的她將貨品左調右換，務求擺得靚靚，期間又要接電話落單，相當忙碌。
幸獲減租
周家蔚接受電話訪問，她坦言早前生意很差：「好彩有減租，又申請咗政府資助，依家總算捱過咗。4月底、5月頭疫情開始慢慢過，做咗兩年靠口碑儲咗班客，啲客出番嚟買嘢，生意好番好多。」她指今次疫情是做生意以來最大考驗，捱過這關，更加速了擴充計劃：「學識咗唔好咁易放棄！上年已經諗開分店，依家市面租金平咗，有投資者搵我哋傾合作，希望呢個『BB』可以愈做愈好！」
