藝人孫慧雪在劇集《機場特警》飾演極度依賴老公的少婦，考車牌都烏龍百出！原來現實生活中，她亦有同一弊病：「考到牌4、5年左右，但我一直唔敢買車。試過上斜、落斜時差啲撞到個女仔，雖然煞得切，但嚇到對方爆喊。後尾去到差館，個女仔同警察講我好有禮貌地道咗歉，好彩有驚無險！」
阿雪透露當初考車牌，全因老公有腳傷：「當時有幫佢揸過車，後嚟冇再揸喇，真係唔敢呀！老公送咗個車牌畀我，用咗我個名，依家得物無所用，惟有年年畀錢續牌，真係嘥咗老公嘅心機。」
