5項格林美音樂獎得主、18歲美國小天后Billie Eilish愛穿鬆身潮服，早前與友人去夏威夷度假時拍下穿泳衣晒身材的短片，竟被網友批鬥，直斥她是淫娃！她最近成為《Dazed》雜誌封面人物，受訪時大表不滿：「我見到啲留言，喺度講『佢點可以大言不慚話唔想被視為情慾對象，但又着到咁？』呢啲留言好多人贊同。又有啲留言話『我唔再鍾意佢啦，因為佢一夠18歲就變咗妓女。』大佬呀，咁樣我輸晒，根本冇得贏！」
她曾坦言討厭自己的肉感身材，不想照鏡見到身體：「有次剝晒衫，我認唔出係自己嘅身體，因為已經有一排冇見到。有時見到都會諗，呢個身體屬於邊個？」